Francis Kham Tangthu

Biography of Sia Francis Do Lian Kham
Pianna : Tedim gam Saizang khua ah 1974 kum Pa Andrew Kham Suan Thang leh Nu Teresa Hau Don Cing te ta Pasal giat leh tanumei lak pan anihna hi in, 1975 kum in Tedim – lawibual ah a inn kuan in teng uhhi.
Laizomteng : Inn luahpipa Pa Dal Cin uh tuni dong in Thai gam ah sumzong in omhi. Sanggam dang thum teeng a hi Nu Ning Ngaih Man, Tg Augustine Nang Za Thawn leh Tg. Khan Lian Mung te pen francisdoliankhamUSA – Indianapolis ah teeng uh aa, Lodon ah sanngam pa Peter C.S Dal pilna sinin omhi. Tulai tak in Malaysia ah laizom nih tawh om uh aa, khat pen Kawlgam ah GTI sang kah in Tg. Man Mun Mang pen Nuleh Pa tawh om in sanggam dang khat in aneu lai in Sian ang zal sanhi. Tg. Pau Lam Tuang leh Nu Vung En Lun te zong Malaysia mahah nasem in om uhhi.
Pilna zona : Tedim – Lawibual kumpi sangah tan (7) dong sin in, tua khitciang Maymyo – St. Aloysius Seminary ah tan (9) pan laisin hi. 1993 kum in tan (10) hong zohi.

Biaknalam pilna zonna : Kachin gam Myitkina – Living Water Bible College azawh khit ciang in India gam Shillong – Sacred Heart Theological College ah 2001 kum in lukhu nelkaai hongngah hi.
Zi leh ta neihna : 1999 kum in Thalmual khua Pa Thang Za Sum leh Nu Zo Khan Huai te tanu laigil Nu Ngai Tawi Vung tawh Topa sungah pumkhat suahna hongnei hi. Tuni dong in Sian piak von tawi Lia Cecilia Cing San Lun, Tg. Paul Thang Sian Muang, Magarete Huai Lam Nuam leh James Sum Za Lian hongnei uhhi.
Pasian nasepna : 2001 pan 2002 dong Sezang khua ah RC pawlpi kem Sia in hong om a, 2003 pan 2008 dong Hakha Diocese (Tu in – Kalay Diocese) khutnuai aom Mainuai – St. Padre Pio Bible College ah Dean of Studies panmun lenin Thuhilhsia sinte laihilh in omhi. 2009 kum in Catholic Bishops Conference Myanmar pan in Malaysia aom Kawlgammi RC thuzui te kemding in sawlna dungzui in tunidong azi ata tengtawh Malaysia ah om uhhi.
Ukna : Laigelh leh Pasian mizat thugensiam Billy Graham bang ahih ding ut pen leh tup pen in neihi.
Laibu gelhteng : Mihing nuntakna ii khiatna (Kawlkam), Bang a um ka hiam? (Kawlkam), Laigelhsaan – Pasian aw koi ah omna hiam? (Zokam)
[Sia Francis Kham pen RC thuhilhsia Catechist khat ahihi. Ama "Ukna" pen Laigelh leh Pasian thugen ahih mahbang in laibu tampi gelhkhin a, Pasian thugen zong akiva mahmahkhat ahihi. Lai agelh ciangin Pasian thu leh leitung thu kopkhawm in gelhkhawmthei ahih manin, asim nuammahmah bekthamlo a asim khapeuhmah lungsim onglawng mahmah hi.]


By Francis Kham

Comments are closed.